Размена на идеи и мислења околу натамошниот развој на општина Кавадарци. Ова го имаше  за цел првата официјална  средба на градоначалникот Александар Панов со поранешните пратеници од Кавадарци и поранешните градоначалници. На заеднички појадок во винската куќа беа: Милан Камчев, Думе Ѓорчев, Иван Чилев, Петар Ѓорѓиев, Перо Стојанов и Манчо Мицајков, Ѕвонко Каров, Ана Андова, Илија Пемов и Јован Гинев. На една маса дебатираа поранешните функционери, независно од политичкото убедување, бидејќи, како што рекоа,  на сите главен интерес им е градот Кавадарци и неговиот просперитет. Повеќе од два часа се разговараше за приоритетните проблеми и начинот за нивно решавање. Се говореше околу водоснабдувањето, паркирањето, изградбата на локални патишта, проблемот со зголеменото девијантно однесување на младите.

Во Кавадарци се одржа манифестацијата „Тиквешки гроздобер”, се славеше грозјето и виното во најголемиот лозаровинарски регион

Здравица за богат и бериќетен гроздобер кренаа кралицата на Тиквешкиот гроздобер, Славица Барамачев и кралот Драган Јовановски, кои заедно со градоначалникот на Кавадарци, Александар Панов, го откинаа првиот грозд, со што симболично го означија стартот на бербата на грозје во најголемиот лозаровинарски регион. Традиционалното се газеше грозјето во големата импровизирана каца на градскиот плоштад.Над илјада учесници беа дел од 40  карневалски поставки на  Винскиот карневал.