Општина Кавадарци е единица на локалната самоуправа, во која граѓаните го остваруваат правото на локалната самоуправа непосредно и преку претставниците во органите на општината. Општината самостојно во согласност со закон и со свој Статут врши работи и превзема активности од локално значење кои не се ставени во надлежност на државната власт. Општина Кавадарци врши и определени работи од надлежност на органите на државната управа што ќе и ги довери Република Македонија со закон.

Органи на општината се:

• Совет

• Градоначалник

• Управни и административни органи

• Главен архитект на градот

Општина Кавадарци се простира на територија од 391 км2. Подрачјето на општината е утврдено со Закон и ги опфаќа подрачјата на населените места.

Општината самостојно со свои акти ги уредува и ги врши следните работи:

Донесува програми за развој од значење за Општината и граѓаните за прашања од својата надлежност ;

Го уредува начинот на одржување и користење на парковите и другите јавни површини од локално значење;

Поттикнува и создава услови за развој и работа на занаетчиството, туризмот и угостителството;

Го уредува одржувањето на јавниот простор за паркирање и начинот на негово користење;

Го уредува чистењето на оџаците;

Покренува иницијативи, дава мислење и предлози за развој на мрежата на установи од областа на културата, спортот, социјалната и детска заштита, предучилишното образование, основна здравствена заштита, заштита на животните и билките, заштита и унапредување на животната средина, како и во други области од значење за интересите на граѓаните во општината

преку свои претставници учествува во работата и одлучувањето во органите на управување на училиштата на основното образование и во установите од областа на културата, спортот, социјалната и детска заштита, предучилишното образование, здравствената заштита, заштитата на животните и билките и унапредување на животната средина;

Врши и други работи утврдени со Статутот или одлука на органите на општината.

ги врши работите на уредување и употреба на градежното земјиште;

утврдува зони и собира земјишна такса;

го уредува и организира градењето и одржувањето на локалните патишта, улиците и други инфраструктурни објекти од локално значење;

ги определува имињата на улиците, плоштадите, мостовите и други инфраструктурни објекти од локално значење;

го уредува и организира снабдувањето со вода за пиење и одводнување на отпадните и атмосферските води;

ги уредува и организира работите сврзани со јавната чистота;

ги уредува и организира работите сврзани со јавното осветлување;

го уредува начинот на превоз на градскиот, приградскиот односно локалниот сообраќај;

го уредува одржувањето на уличната и сообраќајната сигнализација;

го уредува одржувањето на гробиштата, спомениците и спомен-обележјата и начинот на користење;

ги уредува регулацијата, одржувањето и користењето на коритата на реките;

го уредува одржувањето и користењето на јавните пазаришта;

може да основа информативни гласила од значење за локалната самоуправа;

може да основа средни стручни училишта;

дава мислење при основање на основни училишта;

може да финансира објекти на основни училишта над нивото што го обезбедува републиката;

врши работи од областа на цивилната заштита;

врши одделни овластувања врз добрата од општа употреба и врз природните богатства на подрачјето на општината;

врши и други работи утврдени со закон.

донесува Статут;

донесува буџет и завршна сметка;

основа управни и административни органи;

основа јавни служби, јавни установи и јавни претпријатија за вршење на работите од локален карактер во согласност со закон (во областа на комуналната дејност, изградба и одржување на локалната патна мрежа, спорт, рекреација и др.) и врши контрола над нивната работа;

основа инспекциски органи и служби (комунална, за сообраќај и др.) за областите за кои општината има самостојна надлежност во уредувањето и остварувањето на работите од тие области (комунална, за сообраќај и др.);

донесува програма за уредување на градежно земјиште;

донесува и други општи акти.

донесува генерален урбанистички план на кој органот на државната управа надлежен за работите на урбанизмот дава согласност;

донесува детален урбанистички план и урбанистичка документација за населените места на општината на кои органот на државната управа надлежен за работите на урбанизмот дава согласност по претходно мислење од други органи;

може да основа како и да финансира изградба, опремување и одржување на установи од областа на предучилишното воспитание, културата, спортот, социјалната и детската заштита, основната здравствена заштита и унапредување на животната средина, како и во други области од знашење за интересите на граѓаните на општината над нивото што го обезбедува Републиката.