Зафатот чини 1 300 000 денари

                             Локалната Самоуправа во рамките на првиот бран од комуналната изградба реши еден горлив проблем кој го чуствуваа сите граѓани. Имено дваесеттина години наназад делот од улицата „Методи Џунов - Џико“ од спојот со ул 7 „Септември“ до спојот со ул.„Браќа Миладинови“ во должина од 250 метри беше руиниран со огромни ударни дупки. Тие повеќе не постојат.  

   Општината на барање на граѓаните изврши целосно асфалтирање на таа делница. Парите се обезбедени од  фондот за комуналнат изградба во износ од 1 300 000 денари. Асфалтирањето го изврши оперативата на ГП „Пелагонија“, а подготвителните земјени работи ГП „Градба промет“ од Кавадарци. Со оваа реконструкција се овозможи нормално одвивање на сообраќајот по оваа улица, која претставува значајна артерија за градот во правец север – југ.