Започна изградбата на новиот плоштад. Со градежните активности од првата фаза од овој проект вредна 450 илјади евра се очекува целосно изградбата да заврши до 15 јули кога Кавадарци е домаќин на европското кошаркарско првенство за девојки до 20 години. Изведувачи на работите се повеќе кавадаречки градежнии фирми а како носител на работата е „Градба промет“. Најголем дел од парите за првата фаза ги донира компанијата „Фени индустри“ која ги обезбеди парите за гранитните плочи  со кои ќе биде покриен плоштадот. Како донатори ќе се појават и фирми во  сопственост на бизнисмени од Скопје со потекло  од Кавадарци, а со свои донации се вклучени и други фирми од кавадаречката бизнис заедница како и фирми на истакнати бизнисмени од Скопје што имаат  објекти во Кавадарци Втората фаза, која вклучува и подземен коридор ќе се реализира откако ќе се обезбедат пари.

Обраќање  до Јавноста:

Почитувани Граѓани.  Деновиве сте сведоци на засилени градежни активности за реконструкција на постојниот градски плошта со цел нагово осовременување и разубавување. Целосно сум свесен за најразличните коментари во јавноста, особено околу три работи, привременото дислоцирање на Споменикот на револуцијата, дислокацијата на фонтаната, како и за сечењето на десттината  дрва четинари.